БҮДҮҮЛИГ

тэмд. н. хара барга, харанхы мунхаг, юумэ мэдэхэгүй, гээгдэнги, тулюур (невежественный, отсталый, примитивный): Үнэхѳѳрѳѳ, урдань эрэгтэй эмэгтэй хүнүүдэй харилсаан иимэ бүдүүлиг байгаа гээшэ гү гэжэ һанахадаа, Дичигмаагай зосоо гомдолой үүлэн тогтожо, юуншье һаа мүнѳѳ иимэ юумэ байха ёһогүй гэжэ бодобо (Ж. Тумунов); бүдүүлиг харанхы мунхаг, гээгдэнги (отсталый, невежественный): Бүдүүлиг харанхы ажабайдалаа / Бүримүһэн усадхая (Д. Улзытуев); бүдүүлиг зан олондо таарамжагүй муу зан (невежественность): …энэ һонигүй бүдүүлиг зантай хүнѳѳр удаан байха аргань үгы боложо, Дулма Байвалһаа һалажа ябашаһан юм (Д.-Д. Дугаров); 2) ёборгон, муухай аашатай (грубый); бүдүүлиг хүн ёборгон, бардам, ёһо буруу хүн (грубиян): …иимэ ехээр баһуулаад байхадаа, энэ бүдүүлиг хүниие хэһээжэ шадахал бэзэб гэжэ Сэрэнцүү шэбшэхэ зуураа, моринойнь жолоодо аһалдашаба (Ц.-Ж. Жимбиев); бүдүүлиг ябадал барга, муухай ябадал, ёһо буруу ябадал (грубость): Юуб гэхэдэ, ёборгон бүдүүлиг ябадал хүлеэмгэй аалин зандань яашье таарахагүй байгаа бшуу (М. Осодоев); 3) бузгай, гутамшаг (вульгарный): Бүдүүлиг бэшэ, гүнзэгы удхатай, бодолтой дуунуудые дуулаха юм һэн (Б. Мунгонов).