АЖАЛАЙ

тэмд. н. 1) ажалда хабаатай , ажалаар бүтээгдэһэн , бии болгогдоһон : Дайнай хүндэ үе байһан дээрэһээнь ажалай һалбари бүхэндэ дутагдалнууд газар дороһоо гараһан лай мэтэ бии болоод лэ байна ; ажалай журам ажал дээрээ сахигдаха дүримүүд : – Бидэнэй дунда ажалай журам эбдэдэг, һэбхи хүнгэн ябадалтай, архи тамхи эрьюулдэг хүнүүд үгы болоо ; ажалай дэбтэр а) хүнэй хүдэлмэрилһэн газартань эзэлжэ ябаһан мэргэжэл тушаал тухай, мүн урмашуулганууд болон хэһээлтэнүүд тухай бэшэгдэхэ албанай дэбтэрхэн : Хожом ябаха гээ бол харгын захиргаанһаа ажалайнгаа дэбтэрые абахада хүнгэн байха гэжэ саагуураа баһа бодоно ха юм ; б) һурагшадай бэеэ даажа хэхэ даабаринуудтай барлагдамал дэбтэр, ном ; ажалай тоосоон оршо гаршаяа тааруулһан, ажалаа хүтэлхэ арга : Ажалай тоосоондо орохо һэмди гэжэ дугташалдана байна гү? ; Ажалай Улаан тугай орден Зүблэлтэ засагай үедэ ажал хүдэл мэрид ѳѳ айхабтар габьяа харуулһан хүниие, ажахыешье, мүн эмхи зург а ануудые шагнадаг байһан орден : Тэрэ 1936 ондо Кремлиин ордон соо Михаил Иванович Калининай гарһаа Ажалай Улаан Тугай орден абажа байһанаа элихэнээр һанаадхиба .