АЯНШАЛГА

юум. н. холын замда ябалга, газар үзэн ябалга (путешествие, туризм): Аяншалга хэхэдээ ажалша хүнүүд амарха, түрэһэн оронойнгоо байгаалида улам дуратай болохо юм (Ц.-Ж. Жимбиев); аяншалгада гараха холын харгыда гараха (отправиться в путешествие): Аяншалгада гаратараа юундэ аяар хоёр үдэр хүлеэхэ хэрэгтэй юм гэжэ үхибүүд гайхабашье, абяа гарангүй үнгэргэбэ (Б. Мунгонов); аяншалгаяа хойшолуулха холын замда саг зуура гарахаяа болихо (откладывать путешествие): – Энэ аяншалгаяа хойшолуулаад, манаар хамта Баргажан-Адагаа бусаа һаатнай дээрэ бэшэ гү? (Б. Мунгонов); дотоодын аяншалалга ямар нэгэ гүрэнэй иргэдэй гүрэнэйнгѳѳ газар үзэлгын ябалга (внутренний туризм): Хорон хамшаг үбшэнэй бүхэдэлхэйн һүжэрэлэй болон Украинада тусхай сэрэгэй операци эмхидхэгдэжэ эхилһэнэй һүүлээр Оросой Холбоото Уласта дотоодын аяншалга ехэ хүгжэжэ эхилбэ; аяншалга-элүүржүүлгын дэбисхэр орон газар үзэн ябажа, амаруулха, элүүржүүлхэ талаар туһа хүргэхын тула бүрилдүүлһэн тусхай дэбисхэр, газар (туристско-рекреационная зона): «Байкальская гавань» гэһэн аяншалга-элүүржүүлгын дэбисхэрэй талбай 3300 тухай гектар юм.