АЯ III

юум. н., ург. жэжэхэн буурсагтай, сайбар хүхэ үнгэтэй шэлбүүһэн набшаһатай, хангалтама һайхан үнэртэй ургамал (полынь белая): Аяын хангалаар нараа золгоош, / Агтын жороое хүгжэм болгоош. / Айдар хүбүүдтээ жэгүүр олгоош, / Абын заншалаар юрѳѳл үргөөш (Г. Чимитов); ая ганга а) хангалтама хоншуу үнэртэй хүдѳѳгэй сэсэгүүд (полынь белая и богородская трава): Балтиин далайн ая ганга, / Баясан гайхан үзэбэлби (Д. Улзытуев); Ая ганга дүрѳѳшье һаа, аятай үнэрѳѳ алдахагүй (Оньһ. ү.); б) ая болон ганга, шэнэһэнэй шэлбүүһэ, тэрэнгиин сэсэг, хуһанай буурсаг гэхэ мэтые хатаагаад, нюдэжэ хэһэн гэр бараагаа, хорёо хотоёо арюудхадаг уталга (смесь сушёных трав ая ганги, цветков рододендрона, хвои лиственницы, початков берёзы и пр., употреблявшаяся для благовонного курения): Уданшьегүй санзай табигдажа, эндэ арюун талын ая гангын хангал анхилан, байра соохи бүхы юумэн утагдаба (Ц.-Ж. Жимбиев).