АРЖАГАР

тэмд. н. 1) шэрүүн, бэржэгэр, жэгдэ бэшэ (шершавый, шероховатый, корявый, неровный): Аржагар наждагта барихада буладынь халаад, хожомынь муу болодог юм (М. Осодоев); Энэ сабшалангай ногоон сабшагданхай, үшѳѳ һүрилэгдѳѳгүй аржагар томо бухалнууд лабхайлдан һууна (Б. Мунгонов); 2) тобогор, гүбэгэр, угалзатай, хээтэй (рельефный, узорчатый): Дороо улаан, дээгүүрээ сагаан, урдаа аржагар баганатай ехэ гэр харагдана (Ч. Цыдендамбаев); аржагар баржагар тобогор үзэг зурагтай (рельефный): Ошон гэхэдэмни, аржагар баржагар алтан мүнгэн медальтай ахамад ноёд ирайлдажа һууха юм бэзэ (Х. Намсараев); аржагар мүр эли, тобогор угалзатай мүр (рельефный след): Һужаагай мүнгэн сагаан хюруу дээгүүр аржагар мүр гарган, Дарсагай поли тээшэ тэргымнай мѳѳрнүүд хонгирон мухарина (Ц.-Д. Хамаев); 3) эли тодо (чёткий, отчётливый, ясный): Удангүй колхозойнь түб һуурин аржагар олон гэрнүүдээрээ, зурагар сэхэ гудамжануудаараа холоһоо зэрэлгээтэн харагдаба (Б. Мунгонов); Аглаг тэнгэриин аржагар мүшэдые тоолоходожол ябахаш даа… (Ц.-Д. Хамаев).