АРИЛХА

үйлэ ү. 1) ябаха, ошохо, үгы болохо (уходить, удаляться, убираться): Басагад гээшэшни залуу хүбүүдые үгэдѳѳ оруулаад, дурлуулаад, гэб гэнтэ буруу бухан арилха тиимэл хүсэлтэй зон юм лэ даа (Ч. Цыдендамбаев); зугадажа арилха тэрьелхэ, зугадан гараха (убежать): Түрүүн буу һүргэхэдэнь, шононууд моринһоонь холодожо, харанхы хангайнгаа оёор худар зугадажа арилһан байгаа хаш (Б. Мунгонов); 2) сэбэрлэгдэхэ, арюудхагдаха (чиститься, очищаться, переставать – о дожде): Үдэр һүни бүхэндэ зальбарал табигты. Наһанай зэдгэр арилха, Наһан буян дэлгэрхэ (Э.-Х. Галшиев); Бороогой үүлэд барагсаан шахуу арилаад, хүнүүдэй баяртайшье, ууртайшье нюурнуудые һара гэрэлтүүлнэ (Б. Санжин, Б. Дандарон).