АРИГАМ

аригам тахил юум. н., будд. арюун нангин тахил, энэ долоон зүйлэй үргэл болоно: түрүүшын хоёр сүгсэ соо уhан, гурбадахи соонь сэсэг, дүрбэдэхидэнь хүжэ, табадахидань зула, зургаадахидань уhан, долоодохидонь амтата зүйлнүүд хэгдэдэг байгаа. Энэ болбол эртэ сагта хаашуулые хүндэлдэг заншалhаа эхитэй гэдэг. Хаанай айлда ороходонь, түрүүн хүлэй, удаань нюурай угаал хэхэ уhа, тиигээд сэсэг урдань табяад, хүжэ, зула бадараажа, эдеэ хоол табидаг байhан. Һүүлдэнь энэ заншал бурхадые тахилгада шэлжүүлэгдэhэн гэхэ (священное жертвоприношение из семи видов): Бурхан багша ѳѳрѳѳ эндэ һууна ха юм, урдань «аригам тахил» зүбѳѳр табяатай (Х. Намсараев).