АРХИРХА

үйлэ ү. эрхирхэ, хэрхирхэ (рычать): …Пүрбэ баабгай мэтээр архиран дээрэнь буулдажа, хойноһоонь тэбэреэд, дээшэнь үргэбэ (Б. Мунгонов); архирха хүрхирхэ арьяатанай абяа гаргаха (рычать): …газар доро аймшагтай ехэ арьяатанай архиржа хүрхиржэ байһан юм шэнги, тэнгэриин дуунай хүйтэн хүнхинѳѳтэйгѳѳр нэерхэдэ, ула дороһоо дорьбоод, хуухын үһэн арбайхадал гэнэ (Х. Намсараев).