АРАДАЙ

тэмд. н. хүн зондо хабаатай, зоной (народный): Арадай байдалые шудалха хүсэлэнтэй хүн гээшэ арад зоной дунда ганса бэшэ, олон жэлдэ ажаһууха ёһотой (Ч. Цыдендамбаев); арадай ажахы гүрэн түрын үйлэдбэриин томо томо һалаануудай бүрилдэл (народное хозяйство): Бидэ дайнай урда тээ арадай ажахын хэрэгтэй хэрэгсэлнүүдые гаргадаг байгаабди (Ж. Тумунов); арадай дуун арад түмэнэй ама дамжажа уламжалагдаһан тодорхой зохёогшогүй дуун (народная песня): Аяар тэрэ саана хойто боориин харгыгаар хазаар моритой хүнэй урданай арадай дуу дуулан бүншүүлхэ дуулдана (Ц. Шагжин); арадай театр мэргэжэлгүй артистнарай наададаг театр (народный театр): Ж. Ж. Жамцарано 1918 онһоо эхилжэ Агын арадай театрай сценэ дээрэ эхэнэр хүнэй бүхы рольнуудые наададаг болоо (Г. Туденов).