АРААТА

1.тэмд. н. араа шүдэтэй, шүдэрхэг (зубастый): Араата шонын араан бүхэ, албатан зоной амин бүхэ (Оньһ. ү.); араата амитан аргатай (Оньһ. ү.) хэсүү байдалһаа мултарха арга олдохо (≈ выход найдётся): Муха-аа, ехээр hанаагаа бү зобо. Араата амитан аргатай гэгшэ. Абамнай юу хэхэеэ мэдээ ааб даа… (Д. Эрдынеев); 2. юум. н. 1) үнэгэн (лисица): Хорёод хоногто тэнэжэ, хоюуландаа оройдоол зуугаад хэрмэтэй, нэгэ араататай һѳѳргѳѳ галгибабди (С. Цырендоржиев); Алаагүй байхада араата һайхан, абаагүй байхада басаган һайхан (Оньһ. ү.); хара араата халтар хара үнэгэн (чернобурая лисица); 2) шэлж. налгай зулгы, мэхэтэй хүн (хитрец): Энэ хара араатые хаанаһаа оложо абаһан Бата агшаб? (Д. Эрдынеев).