АРАА(Н)

(Н) юум. н. 1) эдеэ хоол жажалан үлтирүүлдэг һоёонуудһаа саашанхи томо шүдэнүүд (коренные зубы): Удаань хажуудахи саха дээрэ хатаагдаһан айрһа дүүрэн адха абажа, аман соохи араанууд байнал гэжэ харшаганаса жажална (Ц.-Ж. Жимбиев); араа шүдэн һоёонуудһаа саашанхи томо шүдэнүүд (коренные зубы): Араа шүдэеэ хабирһаар, ама хэлэеэ долёоһоор ошобо гээшэ (Х. Намсараев); 2) шэлж. ямар нэгэ юумэндэ торсолдохын тула хэгдэһэн ѳѳдѳѳ гараһан хурса эрмэгтэй шүдэн (зубец): Фоминай ѳѳдѳѳ харахадань, дээрэнь гусеницын араанууд хайр шулуу үрэмдэжэ байба (Ж. Тумунов); 3) шэлж. рояль, бэшэдэг машина, компьютер г.м. оньһо даража хүдэлгэдэг зурууд (клавиша): Шэнэ пианинын араанууд дээгүүр шэнэ ноотонуудынь шэдэлнэ (Ц.-Д. Дондокова).