АН(Г) I

Г) юум. н. зэрлиг амитад (звери): Хангай ондоо иимэ ан үршѳѳхэ бэзэ гэжэ эсэгэнь хүбүүнэйнгээ һанаа заһажа хэлээд, саашаа ябаба (Д.-Д. Дугаров); ан бариха (гү, али агнаха) зэрлиг амитаниие алажа ашаглаха зорилгоор бэдэрхэ, мүрдэхэ, бариха (охотиться на зверей): Энэ ан бариха аза талаангаа бэдэржэ, ангуушад алас холые зоридог, булганай мүр дээрэ элдэб аюул үзэгдэдэг бэлэй (Д.-Д. Дугаров); Минии эсэгэ бүтүү хүбшэдэ, хада уула дээгүүр санаар ябажа, ан агнадаг байhан юм (Г.-Д. Дамбаев); ан амитан сугл. адагуусан, байгаалита бодосуудые эдижэ амидардаг, үрэжэн ехэ болодог амиды бэе (животные): Ой хүбшын олон шубууд, ан амитад бултадаа Будамшуу хүбүүе үдэшэбэ (Ц. Шагжин); ан гүрѳѳл а) боро гүрѳѳһэн (косуля): Ан гүрѳѳл уhалхаяа голдо гү, марсада гү ерэхэдээ, хүлѳѳ тас-няс гүүлэхэдэнь, ой модон аймшагтай hүрѳѳтэйгѳѳр сууряатадаг (Г.-Д. Дамбаев); б) сугл. ан амитад, амитан аймаг (зверье): Ан гүрѳѳл, адууһа мал үбэлынь зоргоороо ябажа, зарим газар хахалагдаһан таряалан шэнги харагдана (М. Осодоев); ан гүрѳѳһэн ан амитад, ангууд (дикие звери): Үргѳѳл хэжэ агнаха ябадалда заабол ан гүрѳѳһэ үргѳѳжэ үгэхэ, һайн шиилдар бэетэй, хонгёо хоолойтой, бэеэ гамнангүй гүйхэ, һайрхуушаг хүнүүд хэрэгтэй байна бшуу (Х. Намсараев); ан арьяатан араан шүдэтэй мяхаша зэрлиг амитад (хищники): Хуаань ан арьяатантай тэмсэһэн, амин голдоо хүртэһэн шэнгеэр инсагаалаа бшуу (Д. Эрдынеев); ан гахай баруун бур. бодон гахай (кабан лесной); тураг ан а) буга (изюбр): Тураг ан хорёод алхам зайда зогсожо, юундэшьеб гэдэргээ хараашалан, шагнаархана (Д.-Д. Дугаров); б) томо зэрлиг амитан (крупный зверь): Нохойнь хэрмэ булганда болон тураг анда хэды һайн ябадагшье һаа, арьяатанай урда зоригоо моходог амитан байба (С. Доржиев); ан ажал ан үдхэхэ ажал, арадай ажахын нэгэ һалбари (звероводство); ан үдхэбэрилгын ажал зэрлиг амитадые олошоруулдаг ажал (звероводческая работа): Гансал байгаалидаа дуратай, тэрэнэй аша туһые гүнзэгыгѳѳр ойлгодог, шударгы бэрхэ хүнүүд ан үдхэбэрилгын ажалда абтаха зэргэтэй (Д.-Д. Дугаров).