АНДАЛДАХА

үйлэ ү. һэлгэхэ, бэе бэедээ үгэлсэхэ (менять, обменивать, обмениваться): – Моридоо андалдаад унахамнай гү? – гэжэ Барга-Нямада дурадхаба (Б. Мунгонов); амар мэндые андалдаха бэе бэеэ мэндэшэлхэ (обменяться приветствиями): Амар мэндые андалдаад, айлшан боложо налайба (Х. Намсараев); үгэ андалдаха нэгэ хэдэн үгѳѳр хѳѳрэлдэхэ (перекидываться парой фраз): …үгэ андалдажа, түр һууһанай хойно ямар хэрэгээр ерэһэнээ хэлэжэ эхилдэг ёһотой байгаа (Х. Намсараев); бүһэеэ андалдаха хууш. худа ураг орохо (свататься): Ши Жигжид гэжэ хүбүүтэйш, бишни хүбүүтэй аад, үшѳѳ басагатай болобоб, бүһэеэ андалдаха бэшэ гүбди? (Б. Мунгонов); дуу андалдаха хоёр бүлэг болоод, урда урдаһаа ээлжээгээр ябажа, наадагшадай дуу дуулажа, мүрысэн зугаалха (петь песни по очереди): …залуушуул огсом дорюун аялгаар дуу андалдана (Х. Намсараев); духаряа андалдаха хундагада архи аягалжа бэе бэедээ барюулха (обмениваться чарками): Тиигэжэ үүринэр нэжээд духаряа андалдажа уугаад, таряан, ногоон тухай бахархан хѳѳрэлдэнэ (М. Осодоев).