АМИДЫРХА

үйлэ ү. 1) ами орохо (оживать, воскресать): Эсэгэмни гэнтэ амидыраад хараа һаа, яатараа уурлаха һааб (Ч. Цыдендамбаев); 2) шэлж. хүдэлжэ эхилхэ, мэдэрэл орохо (прийти в себя, в чувство): Һайн һанаата гэрэй эзэн болон тэдэ эхэнэрнүүдэй туһаламжаар Галсан амидыржа, хүл дээрээ бодоһон байгаа (Д. Батожабай); 3) һэргэхэ, согтой болохо (оживиться, встрепенуться): Һургуулимнай амидыраа ха юм, – гэжэ юундэшьеб тэрэнэй зосоо оробо (К. Цыденов); Дуугай һууһан ламанар амидыржа, аляа һамгад шэнги бэе бэеэ һэмээхэн хургаараа хадхалсанад (Д. Батожабай).