АМАЛХА

үйлэ ү. 1) хэлэхэ (говорить, произносить): Сэсэг айрагһаа балгажа, аман соогоо нэгэ хэды байлгаһан хойноо залгижа амалба (Б. Шойдоков); 2) үгэ үгэхэ, ама алдаха (обещать): Ѳѳрын диилэхэгүй хэрэгые Хэзээшье бусадта бү амала (Э.-Х. Галшиев); ама амалха үгэ үгэхэ (обещать): Лаб гэмтэй үйлэдбэриие амаа амалһан болбошье, Аргынь оложо орхи (Э.-Х. Галшиев); 3) ама хүрэхэ, амталха (пригублять, отведывать); 4) хазаарай амые мориной аманда оруулха (взнуздать): Би амгайгша мориёо амалжа, сэртээлнигынь татабаб (Ц.-Д. Хамаев); 5) мориной амынь мэдүүлхэ (усмирять коня): Агтын һайниие амалжа унаха, бодын эрхимые бугуулидажа бариха ёһотойб (Х. Намсараев); 6) баганада гү, али монсогор модондо утаашань заадаһа, хоноодоһо түнхин гаргаха (выдалбливать паз); 7) сэл. эрихэ, гуйха, нэхэхэ (просить, требовать, домогаться).