АЛГАСАХА

үйлэ ү. 1) алгад, алад гараха, үнгэрхэ, тойрон гараха (миновать, обходить, объезжать): Һанаһандаа хүрэхын тула тулихые үзэхэ, аюулые алгасаха, тэмсэхэл бологдоно (Д.-Д. Дугаров); 2) харгыда дайралдангүй үнгэрхэ (расходиться в пути): Зорёолһон юумэдэл уулзангүй, алгасаад лэ байгша һэмди (Ц. Дон); 3) тэнсүүриеэ оложо ядаха, һүрдэхэ, бахардаха (чувствовать смятение, путаться – о мыслях): Тиигэжэ ябатараа, баһа сэдьхэлынь алгасан, … тээлмэрдэн, тэнсүүриеэ оложо ядана (Ц. Дон); Сэдьхэлдэнь нэгэ бүтүү найдабари ургажа, досоонь тэнигэр уужам болоһон шэнгишье һаа, хажуугаарнь баһа аягүй хүйтэн һэжэг түрэлсэжэ, бодолынь алгасана (Ц. Дон); 4) илгаха, илгаруулха (различать): Мэхэ үгыгѳѳр туһа бүтѳѳлгые / Дайсан саданиие алгасангүй бүгэдэндэ хэ. / Дайсандаа садандаа мэтэ туһалаа һаа, / Дайсаншье лаб садан болохо (Э.-Х. Галшиев).