АЛДУУРХА

үйлэ ү. 1) тайлдаха, задарха (развязываться, отвязываться, расстёгиваться): Тэрэнь гэдэргээ хэды тэмтэрээд, олообшо гуталайнгаа алдуурһан уялааһаа … торожо, … тооһо шорой бурьюулан унашаба (Ч. Цыдендамбаев); уяанһаа алдуурха уяанһаа тайлдаад гүйжэ ябашаха (сорваться с привязи): Уяаһаа алдуурһан унагадтал, басагад гүйлдэжэ арилнад (Б. Мунгонов); 2) мултарха, сүлѳѳрхэ, гараха (избавиться, освободиться, вырваться): Хазагай аманһаа элдэбын юумэн алдуурна ха юм (М. Осодоев); Сэлэнгые зубшан бүхэнтэһэн уула хадануудай забһарһаа алдуурһан нойтоншогшье һаа, һэрюун һалхитай һэбшээн … ногоон набшануудые шэшэрүүлээд шэшэрүүлээд абана (А. Жамбалдоржиев); гарһаа алдуурха гарһаа мултарха (вырваться из рук): гарһаа …алдуурһан эльгэн шулуун мэтэ / газар шэглэн унашоо бэлэйл… (Д. Улзытуев).