АЛДАРТА(Й) I

й) тэмд. н. 1) нэрэтэй болоһон, сууда гараһан, суурхаһан, олондо мэдээжэ (известный, прославленный, знаменитый): Энээгүүр буряад арад зоноймнай алдарта баатарнууд хүлэг моридоороо табаруулһан байха (Ц.-Ж. Жимбиев); Ород уласай алдартай эрдэмтэд Е. Шапошникова В. Шапошников хоёр урлаг, удха зохёол болон бусад уран бүтээлшэдэй намтар түүхые … элирүүлжэ гаргаа һэн (Л. Балдан); алдартай нэрэтэй сууда гараһан, нэрэ солотой (знаменитый): Би үнэр баян хүнби, ара үбэртэ дуулдаһан алдартай нэрэтэй хүнби (Х. Намсараев); үнэн алдарта шажан Орос, Грузи, Беларуси, Греци болон хэдэн бусад уласуудта дэлгэрһэн христиан шажанай нэгэ һалаа (православие): Тэдэнэй нэгэн, зайсан Согтуулай үнгэрхэдѳѳ һайн дураараа үнэн алдарта шажанда орожо, хэрээһэ зүүһэн аад, хари руу арилаа байна (Б. Санжин, Б. Дандарон).