АЛДАМА

нюдэ алдама тэмд. н. 1) заха хизааргүй, уужам зэнхэгэр (необъятный): Нюдэ алдама нюсэгэн тала дайданууд ямаршье хүйтэн, халуун, бүлеэншье болоходонь халха нэмэригүй зэлдын хэбтэдэг (Х. Намсараев); 2) нюдэ хадхамаар, анима, шэб харанхы (непроглядный, хоть глаз выколи): Эдэ бүгэдэнь саашадаа ямаршьеб нюдэ алдама харанхы уруу шэнгэшэһэн мэтэ (К. Цыденов); хараа алдама уужам зэнхэгэр, дэлюун (необъятный): …няалдангир һэмжэн үүлэн нарбагар хүшэгэеэ хараа алдама холоһоо наашань далитуулан һунаажа, огторгойе үргэлжэдэнь бүрхѳѳнэ (Д.-Д. Дугаров); хүл алдама оёоргүй, хүлгүй (бездонный): Тэдэндэ холын һарьдагшье, захагүй тайгашье, хэрзэгы арьяатадшье, һалхи шуурганшье, хүл алдама хүр саһаншье, хүлдэжэ үхэмэ хүйтэншье аймшагтай бэшэл! (Д.-Д. Дугаров); хүл алдама нүхэн оёоргүй, гүнзэгы нүхэн (бездонная яма): Хяабараг, үйлэ үржэнгѳѳ доройтоходо тиимэ юм агша гү, али юун юм даа, нэгэ муу юумэнэй харгын онгойходо, нүгѳѳдэнь хүл алдама нүхэн руу дуудажа байха (Ц.-Д. Хамаев).