АЛАС

1. тэмд. н. холын, холынхи (дальний): Бүмбэрсэг дэлхэйн … СССР ороноймнай сэлгеэн үргэн алас хизаарынь яаһан гоёор шэмэглэгдэнхэй гээшэб?! (Ц.-Ж. Жимбиев); Алас Дурна Еврази түбиин Номгон далай зубшаһан зүүн хизаар газар (Дальний Восток): …Оросой Алас Дурна хизаарта женьшэнь олзоборилогшодые тонолсодог болоо бэлэйб (Ц. Цырендоржиев); алас хойто газарнууд Хойто хахад бүмбэрсэгтэ оршодог газар оронуудай эгээн хойто хаяагай газар дэбисхэр (Крайний Север); 2. юум. н. үргэн ехэ тала дайда (даль, дали): Алтан дэлхэйн аласые бүрхѳѳн бэлшэһэн атар тарган адуун һайхан һүрэг лэ (Ц.-Ж. Жимбиев): алас холо холын холо газар (даль, дали): Дүлэтэ зүрхэншни халуун бурмаар бусалжа, хэтэ мүнхэ сагай алас холо хүрэтэр лугшажал, лугшажал байхал, дэлхэй (Ц.-Д. Хамаев); алас холые бодохо холын хараа бодолтой байха, саашанхииень бодохо (размышлять о будущем); аласые (гү, али алас холые) зорихо холын замда зорихо (стремиться вдаль, отправляться в дальний путь): Бургааһан, бүтүү шэрэнги, буртаг бартаа газараар гараһан алтан һаба соогуураа гулгиһан арюун һайхан урасхалынь алас холые зорино (Ц.-Ж. Жимбиев).