АЙМХАЙ

тэмд. н. айдаг, һүрдэдэг, дүүлэгэр, уулагар (боязливый, трусливый): Тэрэ аймхай мориие үшѳѳ айлгаха, эзэнһээнь алдахуулха гэһэндэл, яндан пароходынь бүри шангаар, сошордуу нэтэрүүгээр хашхараад һаланагүй (Ч. Цыдендамбаев); Аймхай хүн арба үхэдэг, зүрхэтэй хүн нэгэ үхэдэг (Оньһ. ү.); аймхай дүүлэгэр айдаг, зориггүй, сошомхой, дээрэ зүрхэтэй (трусливый): Хоротой шаратайшье һаа, аймхай дүүлэгэр амитанай ажал ха юм (Ч. Цыдендамбаев); аймхай зан зориггүй зан, дүүлэгэр зан (трусость): Начальник хүн аад, иимэ аймхай зангаа мэдэгдэхэ гээшэ ехэ эшүүритэй байна (Х. Намсараев); аймхай болгохо айлгаха, һүрдѳѳхэ (запугивать); аймхай нохой шэмээгүй зуудаг доохонуур хүндэ хоро хүргэхэ (исподтишка вредить кому-л.): – Аймхай нохой шэмээгүй зуудаг ха юм, – гэжэ Аригуун Бүүбэй бодоно. – Хэр зуулгаха хүн гээшэбиб? (Ж. Балданжабон).