АГНАХА I

үйлэ ү. 1) ан, шубуу, загаhа бариха, олзоборилхо (охотиться): Хүнэһэнэйнгѳѳ хахадые үргэлѳѳд, гансааран урда зүгэй саһата шэлэнүүдые дабажа, энгэр хүбшэдэ ерээд, агнажа ябана (Д.-Д. Дугаров); загаhа агнаха загаhашалха, загаhа бариха (рыбачить): Огород таряад лэ, жэмэс, һархяаг түүгээд лэ, дүтын нуурнуудта загаһа агнаад лэ, эдэнэй хойноһоо һууһан Чансин һэн бэзэ… (С. Цырендоржиев); 2) шэлж. мүрдэхэ, хойноһоонь харууһалха (следить, преследовать кого-л.): Харин маанарые агнажа ябаһан мүнѳѳхи муушуулнай һүниин сууряанда дуулажа болохо (Х. Намсараев); нюдэ ама агнаха хүниие шарайшалха, али нэгэн хүнhѳѳ дулдыдаха (наблюдать за чьей-л. реакцией, зависеть от кого-л.): Бага ябахадаа үлэн хооhон, хүнэй нюдэ ама агнажа ябахадаа, иигэжэ бэшэhэн хүм даа (С. Ангабаев); басага агнаха басагадтай танилсахые хүсэхэ, танилсаха шалтаг бэдэрхэ (хотеть познакомиться с девушкой): Ши ходол басага агнажа бү бай, ганса нэгэ шубуу агнахаа hура! (Ч. Цыдендамбаев).