АДХАРУУЛХА

үйлэ ү., идх. залог 1) тараажархиха, бутаргажархиха (рассыпать); 2) гоожуулха, салгидуулха (пролить): Гоншог габжа гэлэн лама аад, хүнэй шуһа адхаруулба (Ц. Дон); Аадар бороо абашагүй ехээр адхаруулһан аглаг уужам огторгоймнай гэмтэй (Б. Мунгонов); нюдэнһѳѳ уһа адхаруулха уйлаха, нёлбоһо мэлмэрүүлхэ, нёлбоһо гүйлгэхэ (лить слёзы): «Ай, бурхан Арьяабаала намайе абаашыт даа!» – гээд, нюдэнһѳѳ эзэ эхигүй уһа адхаруулна (Б. Санжин, Б. Дандарон); хүлһэ адхаруулха хүлһэ гаратарнь ажал хэхыень баадхаха, зараха (заставлять работать до седьмого пота): Зуун жэлэй саада тээ ородой купец Игумнов зоной хара хүлһэ адхаруулан, энээгүүр харгы малтуулаа һэн (Д.-Д. Дугаров).