АДХАХА I

үйлэ ү. гартаа бариха, бажууха (захватывать в горсть, сжимать в горсти, крепко держать в руках): Эхэнь үрѳѳһэн гараараа моринойнгоо жолоое адхан, нүгѳѳдэ гараараа хойноо һууһан хүбүүгээ барилсан ябаашье һаа, балай эсэһэн шалаһанаа мэдэбэгүй (Ц.-Ж. Жимбиев); гарые адхаха гар бажууха, гар гараа барилсаха (пожимать руку): – Зай, лаб гү? – гээд, түрүүлэгшэ механизатор хүбүүнэй гарые адхана (Ц.-Ж. Жимбиев); толгойгоо (гү, али тархяа) адхаха хоёр гараараа толгойгоо бажууха (обхватить голову руками): Ламын нюрга уруу хүйтэ даагаад, үһэниинь эрзыхэдэл гэхэдэнь, хоёр альгаараа толгойгоо адхаба (Б. Санжин, Б. Дандарон).