ААЯМА

тэмд. н. айхабтар, аргагүй шанга, туйлай халуун : Модоной һүүдэртэ, мүн ааяма наран дорошье һуужа амархань олон болоно ; ааяма халуун айхабтар халуун : Удангүй гал хурса наран шанха дээрэ гаража, ой соо ааяма халуун болошоо һэн ; ааяма бүгшэм ами абашагүй, амилхаар бэшэ халуун : Һалхи һамаагүй, намжаа дулаахан үдэр наран уулын орой дээрэ урга татама боложо, ааяма бүгшэм агаар дайдада тунаба .