ААРСА(Н)

юум. н. 1) тоhыень илган абаhан айраг аалин гал дээрэ бусалгахада гарадаг үдхэн гашуун изармагтаhан эдеэн : Тэргэ дээрээ оёорсогтой аарса, унтарияа, дахаяа, ехэ хара горшоогоо, зэд гүсэеэ тээбэд ; Үбэлэй харгы дээрэ арай харагдажа ябааб. Тулам соо аарса үргэлэнхэйб. Эсэһэнби ; 2) аарсаар болбосоруулһан ундан : Мэхиинэ хиидхэжэ, ториисын талха эдидэг, гашуун аарса уужа амтархадаг, хэсүүл саг байгаа ; орооһотой аарсан бусалган орооһо нэмэжэ халаһан аарсан ; тибэһэтэй аарса шанаһан тибһэ холижо халааһан аарсан ; аарса халааха аарса талха һамаржа, бусад зүйл нэмэжэ шанаха ; 3 ) аарса уhанда гү, али hула шүлэндэ хэжэ бусалгаад, талха hамаржа болгоhон хоол : З ѳѳ хэйтэй, талха һамарһан үдхэншэг халуун аарса ехэл амтатайрхан, тэдэнэй бүлтаараа оошон һорохо абяан үргэлжэ поршогоноон болон байгаа бэлэй ; аарса уулга – аргамжа томолго бэшэ юумэ ууха, эдихэ ажал хэхэһээ таатай : Урданай сагта хүнүүдэй хэрбээ: «Аарса уулга – аргамжа томолго бэшэ», – гэжэ шоглодог заншалтай байhан hаань, харин мүн ѳѳ нэй сагта: «Шүлэг бэшэлгэ – шүрэб тошиилдолго бэшэ», – гэжэ зариманай хүхижэ шоглоходо болохо юумэ бэшэ аал?! ; Аарсатай – ажал, архитай – зай .