ТААРАМЖАТАЙ

тэмд. н. зохид, зохистой, боломоор, олигтой, мүртэй (подходящий, соответствующий, приемлемый): Булавин Мүнхэ хоёрой гэрнүүдээр далдалан мүлхиһөөр, маряаһаар, Залмын хаалтатай байдаг гэрэй хаяада хүрэжэ ерэхэдэ, ута жадануудые бариһан хоёр таарамжатай хаһа хүлеэжэ, харанхыда хэбтэбэд (Б. Санжин, Б. Дандарон); таарамжатай зохид боломоор, олигтой, зохистой (соответствующий, подходящий): Тиигэжэ байтараа хүйтэн уһанһаа гараһайшьеб гэхээр бэшэ, таарамжатай зохид болоно (Ц.-Д. Хамаев); таарамжатай газар таатай зохид, яһала һайн газар (подходящее, благоприятное место): Таарамжатай газарта ангуушадай гэрнүүдые барибал, спортивна-агнууриин ба туристска баазануудые эмхидхэбэл хэды һайн һэм (Д.-Д. Дугаров); таарамжатай ажал хэжэ шадаха ажал (подходящая работа): Хүдэлхэ газартаа ерэһээр, шамда таарамжатай ажал оложо үзэхэб (Д.-Д. Дугаров); таарамжатай харюу хэн нэгэнэй асуулгада гү, али үгэдэ зохистой һаналаа хэлэлгэ (подходящий ответ): Эндэл, таһалга соо, гансаараа хэбтэхэдээ, тэдэ асуудалнуудта үгэхэ хэрэгтэй байһан үлэмжэ таарамжатай харюунуудые шэбшэнэ (Б. Санжин, Б. Дандарон); таарамжатай хөөрэлдөөн мүртэй, болохотой, олигтой яряан (толковый, путный разговор): Тэрэ гурбанай хоорондо таарамжатай хөөрэлдөөн гарахагүй янзатай (Ц.-Д. Хамаев).