ТААЛУУЛХА

үйлэ ү., идх. залог 1) озохые баадхаха, озуулха (заставить целовать): Удабашьегүй, уншажа байһан поп наашаа эрьен хаража, нэгэ томо алтан хэрээһэ нэгэ хилгана сабдуур хоёрые гартаа барижа, тэрэ сабдуураа нэгэ шара гуулин домботой аршаан соо шэхэжэ абаад, хүн бүхэнэй толгой дээрэ сүршэжэ, алтан хэрээһэеэ таалуулжа эхилбэ (Х. Намсараев); 2) таалагдаха, үндүүлхэ, озуулха (быть поцелованным): Энэ үедэ Тамара таалуулһан хасарайнгаа дулаае алдахагүй гэһэншүү хасараа альгаараа дараад, гэр руугаа гүйшэбэ (С. Цырендоржиев); 3) таалахые зүбшөөхэ (позволить поцеловать себя): – Валера, баабайшни ерээ, түнтүүгээ үгэн таалуулыш! (Ц.-Ж. Жимбиев).