СЭСЭРҮҮЛХЭ

үйлэ ү., идх. залог 1) сэсэргэхэ, сүршэхэ (разбрызгивать): Тээ урдуурни Тангаров саһа сэсэрүүлэн, шугын зай забһар илгангүй доошолжо, бургааһа нижагануулба (С. Доржиев); уһа сэсэрүүлхэ уһа жэжэ дуһалнуудаар сасаха, тарааха (разбрызгивать воду): Хонид нэгэ хэды болоод, бэеэ һэжэрсэгээн, уһа сэсэрүүлнэ (Ц.-Ж. Жимбиев); шүлһэеэ сэсэрүүлхэ юумэ хэлэхэдээ, хашхархадаа аманһаа нёлбоһоо турьяха, жабжаараа хөөһэ хаяха (брызгать слюной): Хүбүүнэй нюурта арьяатан шүлһэеэ сэсэрүүлэн шашхаад, мүрһөөнь бажуугаад абаба (Д.-Д. Дугаров); 2) сэсэрхые баадхаха (заставлять брызгать): Эжы сэсэгтэ уһа сэсэрүүлбэ.