СЭСЭРЛИГ

1. юум. н. 1) хүнэй гараар тариһан модотой газар, сад, сэсэглиг (сад; парк): Ажалаа дүүргээд, хүбүүнэйнгээ эдир залуу нүхэдтэеэ, танил басагадтаяа городой сэсэрлиг ябашахадань, Пагма эхэнь гансаараа телевизорээ хараад лэ үлэдэг hэн (Г.-Д. Дамбаев); сэсэрлиг сад хүнэй гараар тариһан модотой газар (сад): Һаяхан, миин гурба-дүрбэн жэлэй урда, таригдаһан сэсэрлиг сад соохи модод үндэр томонууд боложо шадаагүй байбашье һаа, эндэхи агаарынь һайхан, ой модон соохи шэнги арюухан үнэрөөр анхилна (Ц. Шагжин); (алим) жэмэстэ сэсэрлиг жэмэстэ мододой ургадаг газар (фруктовый сад): Тэндэ урдань гоё һайхан орон нютагууд, хото ордонууд, жэмэстэ сэсэрлигүүд байһан юм гэдэг (Ц.-Ж. Жимбиев); 2) сэсэг тариха газар (цветник, клумба): Тэрэнь үүдэн дээрээ бэшэг ташагтай, шэнэ штакетник хашаатай, сэсэрлиг тариха газартай, нааданай талмайнуудтай (Ц.-Ж. Жимбиев); 3) һургуулиин урдахи наһанай үхибүүдые саг зуураар байлгадаг газар (детский сад): Һүүлэй хэдэн жэлэй туршада хүүгэдэй сэсэрлигтэ үхибүүгээ үгэхэнь яһала бэрхэшээлтэй болонхой, илангаяа Улаан-Үдэдэ. Үхибүүнэйнгээ түрэхэтэйнь сасуу сэсэрлигтэ орохо ээлжээндэ табидаг гээшэбди (Б. Бадмаев); 2. тэмд. н. һалбаржа байһан, сэсэглэжэ байһан (цветущий): – Сэсэрлиг ногоон талада хүхы шубуунай хүгжэм шагнажал, хүльбэржэл ябахада гоё байнгүй яаха гээшэб! (Б. Мунгонов).