СЭСЭГЛЭХЭ

үйлэ ү. 1) сэсэгтэ ургамалай бэлгын үрэжэлгын эрхэтэнэй һалбарха, задарха, сэсэгүүдээр бүрхөөгдэхэ (цвести): Май соо тэрэнги сэсэглэжэ, түймэрэй галдал, ойн захаар холоһоо улайран баглайржа, дүтэлхэ тума дура буляан, дунгяаруулма хангал туудаг (Ц.-Д. Хамаев); Ногооржо байгаа поли, сэсэглэжэ эхилһэн нуга дээгүүр һонор шэхэнэй арайхан дуулахаар амидаралай шэмээ үргэлжэ дуулдана (Д.-Д. Дугаров); сэсэглэжэ дүүрэхэ сэсэгээ гүбихэ (доцветать); 2) эдир залуу наһанайнгаа түлэг дунда байха, з алуу, һайхан байха (находиться в поре физического расцвета, быть здоровым, красивым): Түлэг дундаа сэсэглэжэ ябаһан, гуша юһэтэйхэн залуу эхэнэртэ ханилһан ганса нүхэрһөө хахасангаа хахасаха болоходонь саглашагүй хүндэ, барагдашагүй бэрхэтэй байнгүй яахаб даа (Б. Мунгонов); сэсэглэн ургаха ургажа, сэбэр һайхан болохо, торнихо (расцветать как цветок – о растущем ребёнке); 3) мандаха, дэбжэхэ, хүгжэхэ (успешно развиваться, процветать): Эхэ һайхан СССР орон сэсэглэн байдаг, / Энхэ гүнзэгы жаргалангай далай долгилон байдаг (Х. Намсараев); хүгжэн сэсэглэхэ мандаха, дэбжэхэ, һайжарха (расцветать, цвести).