СЭНГЭХЭ

үйлэ ү. 1) баярлаха, хүхихэ, бахархаха, зугаалха (веселиться, радоваться, развлекаться): Ямаршье таталюургүй, гэр байдал тушаа һанаагаашье зобохогүй, ганса бэеэ хараад лэ, сэнгээд лэ ябахада зохид ха юм (Д. Эрдынеев); сэнгэхэ хүхихэ баярлаха, зугаалха (веселиться, развлекаться): Урданай обоо хуримай үзэгдэхөө болиһон сагта хүн зоной сэнгэхэ хүхихэ найр гансал зунай һайндэр болонхой (Д. Эрдынеев); эхэнэрнүүдтэй сэнгэхэ эхэнэрнүүдтэй золголдожо зугаасаха, сагаа һайнаар үнгэргэхэ (развлекаться с женщинами): Хоюулан банида, саунада ородог, архи тамхи намнадаг, эхэнэрнүүдтэй сэнгэдэг (Ц. Цырендоржиев); хаарталдажа сэнгэхэ хаарта наадажа хүхилдэхэ (развлекаться игрой в карты): Мүн Бээжэн дээрэхи барилгашад эндэ сугларанхай, хамбыда ябаһан хүнүүдээр хаарталдажа сэнгэнэд (Д. Батожабай); 2) аяшааха, таашааха, зохидшоохо, жаргаха (наслаждаться, нежиться, блаженствовать): Танитаяа зэргэлжэ ажаллаһан, хоюулан сэнгэһэн, һайхан һүнинүүдые үнгэргэһэн энэ оршон дайда мүнөө бүхы арюун дурасхаалыень манажа, абяа шэмээгүй, гунигтайгаар амаржан нойрсонхой (Д.-Д. Дугаров); сэнгэн унтаха амар амгалан унтаха (сладко, блаженно спать); ○ хүхихэ гэжэ үгэтэй парн. хэрэгл.