СЭГНЭШЭГҮЙ

1. тэмд. н. үнэлжэ барашагүй, үнэтэй, аргагүй ехэ үнэтэй (неоценимый, бесценный): Теэд тэдэнэй хэжэ үрдиһэн энэ мэтын хүдэлмэринүүд нютагаймнай, арад зоной баян түүхэдэ аргагүй ехэ хубита нэмэри гэхэ гү, али сэгнэшэгүй баялиг боложо үгэхэ байнал (А. Жамбалон); сэгнэшэгүй ехэ (гү, али үнэтэй) үнэлжэ барашагүй, ехэ үнэтэй сэнтэй (неоценимый, бесценный): Бишыхан Сашын, Степан Тимофеевичын, бүхы һургагшанарайнь, Матвей Семёновичын, Алексейн, бултанайнь сэгнэшэгүй ехэ аша туһын үрэ гээшэл (Ч. Цыдендамбаев); «Буряад Y нэн» сонин улам ехээр хүгжэжэ, бултанай дура татадаг … Мэдээ, мэдээлэлэй эриндэ удха шанараа алдангүй дэлхэйгээр тараhан буряадуудайнгаа хүүргэ боложо байдагтнай сэгнэшэгүй үнэтэй зүйл гээшэ (С. Билэгсайхан); сэгнэшэгүй габьяанууд гайхамшагта үндэр туйлалтанууд, туйлагдаһан гарамгай үрэ дүнгүүд (неоценимые заслуги); сэгнэшэгүй мэдээнүүд ушаргүй шухала мэдээнүүд (бесценные сведения); 2. хэлэгшын үүргээр хэрэгл. үнэлхээр бэшэ, хэмжэхээр бэшэ (невозможно оценить): Энэ ехэ дэлхэй дээрэ / Эхын буян сэгнэшэгүй. / Эхын дулаан нюдэнhөө / Дээрэ юумэн байхагүй (С. Бадмаева).