СЭГНЭЛТЭ

юум. н. 1) ямар нэгэн юумэн тухай иимэ тиимэ гэжэ гаргаhан hанал (оценка): Санжа Доржын үгэ бүхэнөө хэлэхэ бүринь, тэрээн тухай өөрынгөө сэгнэлтын доошоо унахые лаб мэдэрнэ (А. Ангархаев); сэгнэлтэ үгэхэ үнэлхэ, шүүбэрилхэ, бодомжоёо хэлэхэ (давать оценку): Энэ аршааниие эрдэмтэд шэнжэлээ юм, харин юуншье гэжэ сэгнэлтэ үгэһэниинь мэдэгдэдэггүй (Ц.-Ж. Жимбиев); үндэр сэгнэлтэдэ хүртэхэ гарамгай, гайхамшагта гэжэ тоологдохо (быть удостоенным высокой оценки): Түрүүшынхеэл ошоходоо, танай гэр бүлые үндэр сэгнэлтэдэ хүртэхөөр гэжэ ойлгооб (А. Ангархаев); 2) hурагшын мэдэлгэ ба аяг зан сэгнэhэн тэмдэг (отметка): Математикаар нэгэн гэбэл «хоёр», нүгөө гэбэл – «таба» сэгнэлтэ абадаг (С. Цырендоржиев); сэгнэлтэ табиха hураhанай түлөө ямар нэгэ тэмдэгтэ хүртөөхэ (ставить отметку): Хэрбээ энээниие тархиингаа бамбайтар сээжэлдээгүй һаам, нэгэ гэһэн сэгнэлтэ табяад, юушье мэдэхэгүй, үүхи мохоо студент гэжэ шоо үзэхэ болохо ха юм (Ч. Цыдендамбаев); эрхим сэгнэлтэ hурагшын мэдэлгэ ба аяг зан сэгнэhэн эгээ дээдэ тэмдэг (оценка «отлично»): Бүхы предмедүүдээрээ эрхим сэгнэлтэ абагшад лейтенантнууд, бэшэдынь бага лейтенантнууд болгогдобо (Ж. Тумунов).