СҮЛӨӨТЭЙГӨӨР

наречи 1) бэеэ мэдэн, ямаршье хизаарлалтагүйгөөр, дураараа (вольно): … аша габьяаень Пётр хаан сэгнэжэ, бүхы Росси дотор арбан жэл соо сүлөөтэйгөөр худалдаа наймаа эрхилхыень зүбшөөһэн грамота үгөө бэлэйл (Б. Санжин, Б. Дандарон); сүлөөтэйгөөр амилха а) ямаршье һаад, тодхоргүй, бүхы сээжээрээ дүүрэн амилха (свободно дышать): Сүлөөтэйгөөр амилан, алхалжал ябамаар алас сэнхиинэ (Д.-Д. Дугаров); б) шэлж. ямаршье дарлалтагүй, хизаарлалтагүй байха (быть свободным от долгов, ограничений и пр.): Тиигээд тэрэ үриһөө нэгэшье үдэр гаража, нэгэшье үдэр үригүй ябажа, сүлөөтэйгөөр амилаагүй хүн байха юм (Х. Намсараев); сүлөөтэйгөөр гараха эрхэ ямар нэгэ юумэнэй бүридэлһөө хизаарлалтагүй гараха эрхэ, боломжо (право свободного выхода из состава чего-л.); сүлөөтэйгөөр өөршэлжэ хэһэн (гү, али өөршэлһэн) оршуулга текстын хэһэгүүдые хаһажа, үгы байһан юумэ нэмэжэ, зарим газарнуудыень ондоо болгожо хэһэн оршуулга (вольный перевод с сокращениями, добавлениями, изменениями); 2) һанаа амар, яаралгүй (не спеша, спокойно): Һүүлдэ сүлөөтэйгөөр хөөрэлдүүжэбди!