СҮЛӨӨРХЭ

үйлэ ү. бэеэ мэдэнхэй болохо, хэн нэгэнэй мэдэлһээ гараха (освобождаться): Обооролдоһон зониие адаглахада, хариин эзэмдэгшэдэй даралтаһаа мултаржа, сүлөөрһэн хүнүүд билтарма баяраа шадахысаа элдэбээр лэ элирхэйлэн байна бшуу (С. Норжимаев); аягүй мэдэрэлһээ сүлөөрхэ таагүй мэдэрэлһээ һалаха, хахасаха, муу һаналһаа холодохо (отделываться от неприятного чувства): Тиигээд үдэрөө дууһаншье, һаяхан баригдаһан, шиигтэй, ханха зайдан гэртээ үдэшэлэн ошоходоошье, тэрэ аягүй мэдэрэлһээ сүлөөрэн табигдабагүй (А. Ангархаев); бодолнуудһаа сүлөөрхэ бодолнуудые саашань тууха, бодолнуудһаа һалаха, ямар нэгэ юумэ һанахагүйе оролдохо, ондоо юумэ бодожо эхилхэ (освобождаться от каких-л. мыслей): Тэрэ һэгсэрэн һагад эдэ мэтын бодолнуудһаа сүлөөржэ, эхынгээ хэбтэжэ байһан ехэ хүрьгэнэйхи руугаа моридоо годируулба (Ц. Цырендоржиев).