СҮЛӨӨЛХЭ

үйлэ ү. 1) бэеэ мэдэнхэй болгохо, һуллаха, хэнэйшьеб мэдэлһээ, баряанһаа гаргаха (освобождать): Тиин тэдэ хоёрой арад зонойнгоо хуби заяан тухай хөөрэлдэһөөр, Залмые сүлөөлхэ хараа түсэб зохёоһоор байтар, хүхын дуунай охорхон һүни тэнгһээ үнгэржэ, үнэгэнэй харанхы дүтэлбэ (Б. Санжин, Б. Дандарон); дайсанһаа эхэ ороноо сүлөөлхэ эхэ ороноо дайсангүй болгохо, дайсанииень усадхаха (освободить от врагов родину): Хархис дайсадһаа Эхэ ороноо сүлөөлһэн хойноо шиниингээ хүүр дээрэ хүшөө-памятник бодхоожо, хэһэн хэрэгышни мүнхэлхэбди (Ц. Шагжин); тушаалһаа сүлөөлхэ тушаалһаа гаргаха, буулгаха (освобождать от должности, снимать с должности): Цэдэнэй Буладые нэгэдэхи хониной бригадын шефэй тушаалһаа сүлөөлхэ гэһэн дурадхалые дэмжэһэн хүнүүд гараа үргэгты! (Ц.-Ж. Жимбиев); ажалһаа (гү, али хүдэлмэриһөө) сүлөөлхэ ажалһаа гаргаха, ажаллахыень болюулха (освобождать от работы, снимать с работы): Нэгэтэ Далай үбгэн Галсаниие ажалһаань сүлөөлжэ, Даримаяа урижа асараад, хамта айлшалхыень дурадхаба (Д. Батожабай); харуулһаа сүлөөлхэ харуулһаа татажа абаха (снимать с караула); таһаг сүлөөлхэ таһаг һуллаха (освобождать комнату): Өөһэдынгөө гэртэ Шоён Дэжэд хоёрые байлгаһанай хэрэггүй гэбэшье, үбгэнэйнгөө хүүрһээ гараха аргагүй, нэгэ бишыхан таһаг сүлөөлжэ үгэбэ (А. Ангархаев); 2) будд. сансарын байдалһаа зайлуулха (освобождать от сансарных уз).