СУМАА

юум. н., ород элдээд, үһыень зулмааһан бодо малай арһаар оёһон, хазаар мориндо тэгнээд ябахаар тааруулһан, хоёр амяараа хүндытэй арһан амһарта (сума, перемётная или вьючная сума): Туваан хамбада абаашажа ябаһан алтаяа энэ сумаа соогоо хээд ябаа ха юм, тиимэһээ энэ сумаагаа һүнинь дэрлэжэ унтаад, үдэрынь дэбдижэ һуудаг һэн (Д. Батожабай); сумаада хэхэ арһан амһартада хэхэ (класть в суму): сумаа ганзагалха арһан амһарта эмээлэй хабтаһанда нүхэ гаргажа тааруулһан ооһорто уяха (приторачивать суму): Шагдар һүхэ юугээ гэртэнь хэжэ, абажа ябаһан арһан сумаатаяа ганзагалаад, үзүүр хушуунай баруун хаяагаар соёруулан уруудаба (Д.-Д. Дугаров); нэгэ сумаа хилээмэ хилээмээр дүүрэн арһан амһарта (одна сума хлеба): Ерэхэдээ Үлэнгэ гү, али Дарһан ошохо, тэндэхи ородуудһаа нэгэ сумаа хилээмэ асарха гэһэн баянай захяа Наһанда хүргэбэ гэнэ (Д. Эрдынеев).