СУБА

юум. н. һалхи, бороодо, хүйтэндэ дэгэл дээгүүр үмдэдэг, уужам хамсытай, бодомол захатай, урда таладаа уулзалдан шагталагдадаг, ехэнхидээ бүдүүн сэмбээр оёһон уужам дабхаса (дождевик, плащ, накидка): Дүрбэн хүнэй багтаха палатка соо нойтон газар дээрэ гансахан суба дэбдижэрхёод, дээрэнь Доржо тэршэлэн инсаглажа хэбтэбэ (А. Ангархаев); брезент суба брезентээр оёһон уужам дабхаса (брезентовый дождевик): Уһа ехэтэ аадарай хүндэ дуһалнүүд брезент суба, бодхоогдоһон капюшон дээгүүрнь шабжархай буужа, үер боложо, доошоо урдана (Б. Мунгонов); суба хэдэрхэ суба нэмэрхэ, хубсаһан дээгүүрээ үмдэхэ (накидывать плащ): Миил хэдэрһэн субань нэгэ ээмһээнь доошоо һолжоржо, нүгөөдэдөө арай гэжэ торонхой (А. Ангархаев).