СОШОРДОХО

үйлэ ү. обогод гэхэ, обхогод гэхэ, залд гэхэ, үргэхэ, айха (встрепенуться, испугаться): Энэ олон, ехэнхидээ танигдаагүй уладуудые харахадаа, Намжал өөрөөшье ойлгоогүйдөө сошордон, ойро зуура зуг татаба (К. Цыденов); Сошордоһон морид бүришье эршэтэйгээр хатаржа, хашаагай ойро сугларһан хүнүүд шүүд арайхан харгыһаа зайсажа үрдибэ (М. Осодоев); сошордохо айха залд гэхэ, зүрхэсэхэ (пугаться, бояться): Золтын шэг шарай барышанхай, сошордоһон айһан янзатай юумэ нэгэ Мантагые, нэгэ Ханты хүгшөөе шэртээд абана (М. Осодоев); сошордон һэрихэ залд гэжэ унтаһанаа һэрихэ (просыпаться с испугу): Гарнуудаа доогуурнь гудараад, шүүд халта хүдэлгэхэтэйнь адли Баршуудха сошордон һэрижэ, булай муухайгаар хашхарба (М. Осодоев).