СОНХЫН

тэмд. н. сонходо хабаатай, шагаабариин (оконный): Дэгэлээ утаһан бүһөөр шагтайтар доогуур бүһэлэнхэй, мүнгэн хутагаяа һуйбаданхай, толгой нюсэгэн юумэн сонхын гэрэлдэ харагдаад, харанхыда тэбэрюулшэбэ (Ц.-Д. Хамаев); сонхын шэл шагаабариин шэл (оконное стекло): Мүнөө Хорло сонхын шэл аршажа байhан бүдөө таазтай уhан соо орхёод, тэрэнээ орон доогуур түлхеэд, гараа угаана (Г.-Д. Дамбаев); сонхын можо (гү, али табсан) шагаабариин холоодо (подоконник): Таһалга соогоо ошожо, журналаа орхёод, тугаар асарһан уһаараа сонхын можо доро, гэрэй газаа хэгдэһэн ута хайрсагтай сэсэгүүдые уһална (Ч. Цыдендамбаев); Сонхын табсан дээрэ хаб нохойһоо һураггүй томо һаарал миисгэй монсогор тарган һабараа долёон долёон, толгойгоо угаажа һууна (С. Цырендоржиев); сонхын хаабари (гү, али хаалта, хаалга) үдэшэндөө шагаабариие хаадаг хабтагай модон, халхабша үүдэн (створка ставней): Ядахадаа зүүн урдахи булангайнь сонхын хаабари нээгээд, шэлэйнь ханхинатар наяруулба (М. Осодоев); Сонхын хаалтын забһараар харахадамни, шэрээ дээрэ тоһон дэн носожо байна (Б. Санжин, Б. Дандарон); Нилээд удаан болоһон хойно хаб-яб хаалгаатай сонхын хаалгын забһараар зурууд гэрэл хүл доогуурнай унаба (А. Жамбалдоржиев).