СОБХОРОЛДОХО

үйлэ ү., угталд. залог олоороо хоёр хүлѳѳ нэгэ доро үргэжэ һүрэлдэхэ, дэбхэрэлдэхэ, ѳѳдэ харайлдаха (припрыгивать, подпрыгивать): Сагаа һарын гараһанда ганса хүнүүдшье баярлаа бэшэ, ури ороһоной шэнжэ үзэмсөөрөө, борохон жаахан борбилоонуудшье гэрэй игаабарида собхоролдон, өөһэдынгөө хэлэн дээрэ пишаганалдан хөөрэлдэнэл (Ц.-Д. Хамаев); шубуушалжа собхоролдохо шубуу һажаажа дэбхэрэлдэхэ (подпрыгивать подобно птицам): Шара-Хасар бүхэ / Хандагай мэтэ хабталзаба, / Бүргэд шэнги бүрэлзэбэ. / Заса-Мэргэн баатарай / Хүзүүн дээрэhээ шүүрэбэ. / Шубуушалжа собхоролдобо, / Шоношолжо зулгаалдаба, / Харабсар мэтэ хадаралдаба, / Элеэ мэтэ элилдэбэ (Гэсэрһээ).