САСАРХА

үйлэ ү. 1) сэсэрхэ, хэдэн тээшээ һүрэн сүршэхэ (брызгаться, лететь – о брызгах, искрах): Соргоор сасаран адхарһан аршаанда уралаа няагаад, шэмэн уужа байхадаа, Лаурын нимгэхэн уралда дүмүүхэнээр хүрэһэн мэтэ һанаадхёо бэлэйб (Ц.-Д. Хамаев); 2) бутарха, хаха бута hүрэхэ, адхарха, тараха, бутаран тараха (сыпаться, рассыпаться): Шантагархан хамар, хасар дээгүүрнь сасарһан бүдэнгүүд бүри эли болошобо (С. Цырендоржиев); сасаран гүйлдэхэ олон тээшэ таран гүйлдэхэ (разбегаться врассыпную): Үхибүүд үргэһэн дальбараануудтал, олон тээшээ сасаран гүйлдэшэбэд (Ц.-Ж. Жимбиев); дүрбэн зүг тээшээ сасарха хэдэн тээшээ таран ниидэхэ (разлетаться во все стороны): Тэдэнэй снарядта тудагдаһан гэрнүүд зомгоол, зартагай болон дүрбэн зүг тээшээ сасарна (Ж. Тумунов); 3) гэрэлтэхэ, ошотохо, толотохо, туяатаха, ялаганаха, ялалзаха (разбрасывать лучи, сверкать, искриться): Залуухан жодоо хасууринар залуу һамга басагадтал янза бүриин мүнгэн шүрэ зүүдхэлээр бэеэ гоёонхой, тэрээн дээгүүрнь үбэлэй наранай хурса гэрэл үй түмөөрөө сасарна (С. Доржиев); алтаар сасарха алтаар ялаганаха, ялалзаха, ошотохо, алтарха (сверкать золотом – о солнце).