САСАРГАХА

үйлэ ү., идх. залог 1) сэсэргэхэ, сүршэхэ (брызгать чем-л., разбрызгивать): – Үбгэ эсэгэнэрэйнгээ нэрые нэрлүүлжэ, үнэр баян ажаһуухын тулада худа оролсохо тухай хэлэнэ хаямбиб, – гэжэ Маншууд шүлһөө сасарган байжа дуугараад, Баршуудхые үзүүрлэн хараадхина (М. Осодоев); уһа сасаргаха уhа сэсэргэхэ (разбрызгивать воду); 2) үйрүүлхэ, бутарган тарааха, адхаха (осыпать); хайр шорой сасаруулха хайр шорой адхаха (осыпать галькой и землёй); 3) гэрэлтүүлхэ, туяатуулха, толотуулха, ялалзуулха (освещать, распространять свет, блеск); гэрэл сасаргаха гэрэлтүүлхэ, гэрэл адхаха, толотуулха, туяатуулха (обливать светом): Гансал заримдаа, үдэшын наранай жаргажа, үргэн тала нютагтамнай һүүлшынгээ гэрэл сасарган байхада, айл бүхэнэй үхэрэй хорёонуудһаа аргалай утаан бааяжа, уужам талаар уняартан манаран байха үедэ, минии сэдьхэл уйдхар гунигта эзэлэгдэдэг (Ц. Шагжин); нюдэнhөө ошо сасаргаха зол баяраар г.м. гэрэлтэхэ, туяатаха, баярлаха (светиться от радости, сиять от счастья, излучать радость, любовь и пр.): Мүнөө шэнэ гэрэй хоёр эзэд һайхан сэдьхэлэй, инаг дуранай ошо нюдэдһөө сасарган, энеэбхилэлдэн, орон дээрээ зэргэлэн һуубад (Б. Санжин, Б. Дандарон).