САСАЛИ

юум. н., бөө тайлганай урда тээ үглөөгүүр дүүргэгдэдэг ёһолол; айл хотоной газаа тээ гү, али тайлганда ошожо ябаха замдаа һү, сай болон архи үргэдэг. Мүн агнуурида, загаһа барихаяа ябахынгаа урда, мүн ниитын гэр байшан барихын, нютагай захиргааниие һунгахын урда, гадна холо замда гарахын урда, тэрэшэлэн ямар нэгэн тодхор болоходо дүүргэгдэдэг ёһолол. Зүүн Буряадта энээниие эзэд бурхадта юумэ үргэхэ гэдэг (обряд брызганья молока, чаю, водки вверх в направлении восхода солнца; носит просительный или страховочный характер); сасали барилга газаа юумэ үргэлгэ (обряд разбрызгивания, окропления): Тахилгань сасали барилгаар дүүрэхэ байжа, һарша-боршонь үйһэн түйсэнүүд соо хэһэн архи асаржа, хүн бүхэнэй үбэрһөө гаргаһан үндэһэн аяганууд соо хэнэ (Б. Санжин, Б. Дандарон); мяхан сасали мяха үргэлгэ (разбрасывание кусочков мяса).