САСАГ

юум. н. 1) монсог, залаа, гоёолто, түхэреэн һаглагар зангилаа (кисть, кисти): Нара зүб мушхаран эрьелдээд, архяа огторгой өөдэ сасахадань, утаһан бүһынь сасагууд, шобхо оройтой малгайдахи улаан ягаан зүүдхэлнүүд наранай толондо ялаганажа, бөө бүришье һүрөөтэйгөөр харагдана (М. Осодоев); сасаг монсог түхэреэн һаглагар зангилаа гоёолтонууд (украшения из кистей); алтан сасагтай туг алтан утаһаар хэһэн монсогуудтай туг (знамя с золотыми кистями): Түрүүлэгшын саада хана дээрэ Ленин Сталин хоёрой зурагууд, баһа торгон аад, алтан сасагтай хоёр туг, хажуу таладань гоёхон хүреэтэй грамотанууд харагдана (Х. Намсараев); сасаг эмирхэ монсогуудые эршэлхэ, ходо гараараа бариха, носохо (крутить, теребить кисти): Дурдам пулаадайнгаа сасагые тоолоһон юумэдэл эмирнэ (Ц.-Ж. Жимбиев); 2) ург. зарим таряанда хамуур шэнги түхэлтэй сэсэгэй эхын залаа (метёлка у проса, овса, риса).