САН(Г) IV

Г,) һан (г) юум. н. 1) улас түрын зөөри, эд хүрэнгэ, мүнгэн ба бусад зүйлнүүд, жаса (казна); сан жаса зөөри, эд хүрэнгэ (казна): Дэмчи лама болбол сан жаса баригша гээшэ (Д. Батожабай); гүрэнэй сан а) гүрэнэй жаса (государственная казна); б) гүрэнэй мэдэлдэ ороһон, гүрэндэ хэрэгтэй үүргэнүүдые бэелүүлдэг худалдаа наймаанай буса эмхи зургаан (государственный фонд): Ород гүрэнэй юрэнхылэгшын зарлигаар байгуулагдаһан сэрэгэй тусхай ябуулгада оролсогшодые дэмжэлгын гүрэнэй сангай һалбаринууд Алас Дурнын нютаг можонуудта нэн түрүүн нээгдэбэ гэжэ Буряад Уласай хэблэл мэдээсэлэй албан дуулгана (vtinform. com); мүнгэн сан мүнгэн зөөри (финансы): Эдэ хүнүүд гансал хаартын нюдэ, мүнгэн сангаа тоолохо ажалтай (Ц.-Ж. Жимбиев); дасангай сан дасангай зөөри (дацанская казна); сан (жаса) баригша ямар нэгэ эмхи зургаанай зөөри, мүнгэ хадагалдаг хүн (казначей): Мүн энэ тоогой газаа тээ хэды шэнээн зөөри дасангай сан жаса баряашад, амбаарай түлхюуршэд хулууһан байгааб! (Д. Батожабай); сан тоногшо гүрэнэй зөөри эзэмшэгшэ (казнокрад); сангһаа хангагдаха улас түрын талаһаа дэмжэгдэхэ (обеспечиваться государством, снабжаться за счёт государства); 2) ямар нэгэ шухала, үнэтэ зүйлнүүдые суглуулан хадагалжа нөөсэлхэ газар, эрдэниин хадагаламжа (фонд, хранилище чего-л.; сокровищница): Урда сагта гараар бэшэгдэһэн түүхын баримтанууд Улаан-Үдэдэ, Буряадай эрдэмэй түбэй гар бэшэгэй санда хадагалаатай байдаг (Л. Бадмаева); номой сан а) будд. ном судар гэхэ мэтые хадагалха газар (книгохранилище): Гүнэйн дасанай баян номой сангай үнэтэй сэнтэй бурхан шажанай номууд бултадаа таранхай, задаранхай, hалхинда хиидэжэ, наранда онгожо байдаг hэн даа (Д. Дарижапова); б) олониитын хэрэглэхэ ном, сэдхүүл суглуулжа хадагалдаг эмхи зургаан (библиотека): Шэнэ оршон байгуулгада, номой сан шэнэлэлгэдэ болон тоног түхеэрэмжэдэ хүдөөгэй номой сан федеральна бюджедһээ 5 сая түхэриг абаа (vtinform. com); бурханай сан будд. Будда болон бусад бурхадай хүшөө дотор хэгдэдэг алтан, мүнгэн болон үнэтэ шулуунууд (драгоценности Будды и других божеств); үгын сан ямар нэгэн хэлэндэ хэрэглэгдэжэ байһан бүхы үгэнүүд, үгын баялиг (словарный фонд, лексика): Электрон корпусой гол зорилго болбол хэлэнэй сангай баялигһаа найдамтай баримтануудые абажа, шэнжэлэлгэдээ хэрэглэлгэ болоно (Л. Бадмаева); үгын үндэһэн сан хэлэнэй үгэнүүдэй үндэһэн, эгээ тогтууритай хубинь (основной словарный фонд).