САН(Г) I

Г) 1. юум. н. 1) хабтагайлһан түмэр, нимгэн сагаан түмэр, лиис түмэр (жесть): амбаарай ханануудые зузаан сангаар бүрихэ; сан түмэр хабтагайлһан түмэр, нимгэн сагаан түмэр, лиис түмэр (жесть): Наранда ялайһан юумэнүүдынь шэнэ хабтагай, сан түмэрөөр халагдаһан хашаагай үүдэн байшаба (Ч. Цыдендамбаев); 2) хабтагар сахариг, зээрэмхэй (диск): Барилгын бригадын ДТ-54 тракторай муфтын сангуудые һэлгээбди (Ц.-Ж. Жимбиев); түхэреэн сан хабтагар сахариг (диск).