САМНАХА

үйлэ ү. 1) бөөлэхэ, бѳѳгэй дурдалга хэхэ, уншалга ябуулха (шаманить, камлать): Мороохой бөө Маншууд Танхасаевай хамаг уг гарбалые, үбгэ эсэгэнэрые дурдан байжа самнаад, хурдан зээрдэ морёо унажа ошоһон хүбүүень дурдажа эхилбэ (М. Осодоев); 2) гараараа арбаганаха, гараа хиидэ хүдэлгэхэ, дээшэнь доошонь һэбихэ; алибаа юумэ сохихоёо, тоншохоёо гү, али сабшахаяа гараа гү, али зэмсэгээ үргэхэ, далайха (размахивать руками; замахиваться): Хоёр хүбүүдэй хоорондо Светлана бахархаһандаа дэбхэншээхэһээ наагуур юумэн, гараараа нэрэ һурагүй самнажа байжа юушьеб хөөрэн саашалжа ябаба (С. Цырендоржиев); Дайнай бурхан – Жамсаран сахюусанай ууртай гурбан нюдэн, дээрээ самнан бариһан һэлмэнь харанхыда ялалзана (В. Гармаев); 3) барилдаанай хатар гүйсэдхэхэ (исполнять танец орла – о борцах): Нютаг соогуур суурхаһан … арсалан бүхэ Саяан хүбүүн самнан ёһолон эхилбэ (Ц. Шагжин); 4) шэлж. хэрүүл татаха, наншалдаха, сүйд татаха (буйствовать, буянить, скандалить): Хойто зүгэй бүхы һалхин гансал энээгүүр харгы замаа олон ходорно гээшэ гү гэхээр улам бүри самнан, эмниг хүсэеэ эршэлэн, үшөө абьяастай болоно (Ц.-Ж. Жимбиев); 5) сонг. аргалхын тула арһа халта отолхо (делать надрезы на коже для лечения).