САГААРУУЛХА

үйлэ ү., идх. залог 1) хухараагүй, үнэн сэхэ нэрэ хүндые һэргээхэ, зэмэ буруушааха (оправдывать, реабилитировать): Би абаяа сагааруулжа, ямаршье зэмэгүй байһан гэжэ саарһа комитедһээ абахадаа, нэгэ юумые ехэ гайхаһан хүнби (С. Ангабаев); бэеэ (гү, али өөрыгөө, гэм зэмэеэ) сагааруулха гэмгүйб гэжэ баримталан баталха, хухараагүй нэрэ хүндэеэ һэргээхэ, зэмэеэ буруушааха (оправдываться, реабилитироваться): Түрүүн өөртэнь үгэ үгэхэдэнь, бэеэ сагааруулха, гэмтэн болохогүй һанаатай үсэрэлдэхэдэнь, нүхэдынь бүришье шэрүүхэнээр ороод абаа (Ц.-Д. Хамаев); Гэбэшье ноёдой ехээр мүрдэхэ мүшхэхэ болоо һаань, Бальжинима өөрыгөө үнэхөөрөө сагааруулха нэгэ үгэтэй байгаа һэн (Б. Мунгонов); үхибүүдэй урда гэмээ сагааруулха үхибүүдэй урда зэмээ наманшалха (заглаживать свою вину перед детьми): Тугаарайхидаал бардамаар бэшэ, харин аягүйрхэнгеэр, хэмшээрхэнгеэр, үхибүүдэй урда гэмээ сагааруулха гэһэндэл, тэрэ гүбэрбэ (К. Цыденов); сагааруулһан шиидхэбэри гаргаха гэмгүй гэһэн шиидхэбэри тогтоохо, баталха (выносить оправдательный приговор); 2) һү нэмэхэ, һүнтэй холихо (забелять чай): Нүхэдэйнь шанаһан тоһотой каша, үдхэрүүлһэн һүөөр сагааруулһан сай хэзээшье бэлэн байха (Д.-Д. Дугаров); 3) шэлж. арюудхаха, арюулха, арамнайлха (освящать): Тэдэ мүргэлшэд харгыгаа сагааруулха гэжэ сэржэмдэдэг байна (Б. Мунгонов).